อสฺสาสปสฺสาสา น นิรุชฺฌนฺตีติ ฯ กลฺโลสิ ภนฺเต นาคเสนาติ ฯ

อสฺสาสปสฺสาสปญฺโห เตรสโม ฯ

ราชา อาห ภนฺเต นาคเสน สมุทฺโทติ วุจฺจติ เกน การเณน อาปํ อุทกํ
สมุทฺโทติ วุจฺจตีติ ฯ เถโร อาห ยตฺถกํ อุทกํ มหาราช ตตฺตกํ โลณํ ยตฺถกํ โลณํ
ตตฺตกํ อุทกํ เตน สมุทฺโทติ วุจฺจตีติ ฯ ราชา อาห ภนฺเต นาคเสน เกน การเณน
สมุทฺโท เอกรโส โลณรโสติ ฯ เถโร อาห จิรฏฺฐิตตฺตา โข มหาราช อุทกสฺส สมุทฺโท
เอกรโส โลกณรโสติ ฯ กลฺโลสิ ภนฺเต นาคเสนาติ ฯ

สมุทฺทปญฺโห จุทฺทสโม ฯ

ราชา อาห ภนฺเต นาคเสน สกฺกา สพฺพสุขุมํ ฉินฺทิตุนฺติ ฯ เถโร อาห
อาม มหาราช สกฺกา สพฺพสุขุมํ ฉินฺทิตุนฺติ ฯ กึ ปน ภนฺเต สพฺพสุขุมนฺติ ฯ ธมฺโม
โข มหาราช สพฺพสุขุโม น โข มหาราช ธมฺมา สพฺเพ สุขุมา สุขุมนฺติ วา ถูลนฺติ
วา ธมฺมานเมตํ อธิวจนํ ยํ กิญฺจิ ฉินฺทิตพฺพํ สพฺพนฺตํ ปญฺญาย ฉินฺทติ นตฺถิ ทุติยํ
ปญฺญาย เฉทนนฺติ ฯ กลฺโลสิ ภนฺเต นาคเสนาติ ฯ

สุขุมเฉทนปญฺโห ปณฺณรสโม ฯ

ราชา อาห ภนฺเต นาคเสน ปญฺญา กุหึ วสตีติ ฯ น กตฺถจิ
มหาราชาติ ฯ เตนหิ ภนฺเต นาคเสน ปญฺญา นตฺถีติ ฯ ตํ กึ มญฺญสิ
มหาราช วาโต ปน กุหึ วสตีติ ฯ น กตฺถจิ ภนฺเตติ ฯ เตนหิ มหาราช นตฺถิ
วาโตติ ฯ กลฺโลสิ ภนฺเต นาคเสนาติ ฯ

ปญฺญาวิเสสปญฺโห โสฬสโม ฯ

ราชา อาห ภนฺเต นาคเสน ปญฺญาติ วา วิญฺญาณนฺติ วา ภูตสฺมึ ชีโวติ
วา อิเม ธมฺมา นานตฺถา เจว นานสพฺยญฺชนา จ อุทาหุ เอกตฺถา นานาพฺยญฺชนา-
เยวาติ ฯ เถโร อาห วิชานนลกฺขณํ มหาราช วิญฺญาณํ ปชานนลกฺขณา ปญฺญา ภูตสฺมึ
ชีโว น อุปลพฺภตีติ ฯ ราชา อาห ยทิ ชีโว น อุปลพฺภติ อถ โก หิ จกฺขุนา
รูปํ ปสฺสติ โสเตนปิ สทฺทํ สุณาติ ฆาเนนปิ คนฺธํ ฆายติ ชิวฺหายปิ รสํ สายติ กาเยนปิ
โผฏฺฐพฺพํ ผุสติ มนสาปิ ธมฺมํ วิชานาตีติ ฯ เถโร อาห ยทิ ชีโว จกฺขุนา รูปํ

ปสฺสติ ฯ เป ฯ มนสา ธมฺมํ วิชานาติ โส ชีโว จกฺขูสุ อุคฺฆาฏิเตสุ มหนฺเตน อากาเสน
พหิมุโข สุฏฺฐุ ตารกรูปํ ปสฺเสยฺย โสเตสุปิ อุคฺฆาฏิเตสุ ฆาเนสุ อุคฺฆาฏิเตสุ ชิวฺหาย
อุคฺฆาฏิเตาย กาเยปิ อุคฺฆาฏิเต มเนปิ อุคฺฆาฏิเต มหนฺเต อากาเสน พหิมุโข
สุฏฺฐุ ธมฺมํ วิชาเนยฺยาติ ฯ น หิ ภนฺเตติ ฯ เตนหิ มหาราช ภูตสฺมึ ชีโว น
อุปลพฺภตีติ ฯ กลฺโลสิ ภนฺเต นาคเสนาติ ฯ

วิญฺญาณาทีนํ นานตฺถภาวปญฺโห สตฺตรสโม ฯ

เถโร อาห ทุกฺกรํ มหาราช ภควตา กตนฺติ ฯ กึ ปน ภนฺเต นาคเสน
ภควตา ทุกฺกรํ กตนฺติ ฯ ทุกฺกรํ มหาราช ภควตา กตํ อิเมสํ อรูปีนํ จิตฺตเจตสิกานํ
ธมฺมานํ เอการมฺมเณ วตฺตมานานํ ววตฺถานํ อกฺขาตํ อยํ ผสฺโส อยํ เวทนา อยํ
สญฺญา อยํ เจตนา อิทํ จิตฺตนฺติ ฯ อุมํ กโรหีติ ฯ ยถา มหาราช โกจิเทว ปุริโส
นาวาย มหาสมุทฺทํ อชฺโฌคาเหตฺวาา หติถปูเฏน อุทกํ คเหตฺวา ชิวฺหาย สายิตฺวา ชาเนยฺย
อิทํ คงฺคาย อุทกํ อิทํ ยมุนาย อุทกํ อิท สรภุยา อุทกํ อิทํ อจีรวติยา อุทกํ
อิทํ มหิยา อุทกนฺติ ฯ ทุกฺกรํ ภนฺเต ชานาตุนฺติ ฯ ตโต ทุกฺกรตรํ โข มหาราช
ภควตา กตํ อิเมสํ อรุปีนํ จิตฺตเจตสิกานํ ธมฺมานํ เอการมฺมเณ วตฺตมานานํ ววตฺถานํ
อกฺขาตํ อยํ ผสฺโส อยํ เวทนา อยํ สญฺญา อยํ เจตนา อิทํ จิตฺตนฺติ ฯ สุฏฺฐุ
ภนฺเตติ อพฺภโมทามีติ ฯ

อรูปววตฺถภาวทุกฺกรปญฺโห อฏฺฐารสโม ฯ

ชานาสิ โข มหาราช สมฺปตฺติ กา เวลาติ ฯ อาม ภนฺเต ชานามิ สมฺปตฺติ
เวลา ปฐโม ยาโม อติกฺกนฺโต มชฺฌิโม ยาโม วตฺตติ อุกฺกา ปทีเปยฺยุนฺติ ฯ จตฺตาริ
ปฏากานิ อาณตฺตานิ คมิสฺสนฺติ ภณฺฑโต ราชเทยฺยาติ ฯ โยนกา เอวมาหํสุ กลฺโลสิ
มหาราช ปณฺฑิโต ภิกฺขูติ ฯ อาม ภเณ อีทิโส อาจริโย ภเวยฺย อีทิโส จ อนฺเตวาสี
น จิรสฺเสว ธมฺมํ ชาเนยฺยาติ ฯ ตสฺส ปญฺหาเวยฺยากรเณน ตุฏฺโฐ ราชา เถรํ นาคเสนํ
สตสหสฺสคฺฆนิเกน กมฺพเลน อจฺฉาเทตฺวา ภนฺเต นาคเสน อชฺชตคเค เคเห อฏฺฐสตภตฺตํ
ปญฺญาเปมิ ยํ กิญฺจิ อนฺเตปุเร กปฺปิยํ เ ตน จ ปวาเรมีติ ฯ เถโร อาห อลํ มหาราช
ชีวามีติ ฯ ชนามิ ภนฺเต นาคเสน ชีวสิ อปจ อตฺตานญฺจ รกฺข มมญฺจ
รกฺขาหิ ฯ กถญฺจ รกฺขสิ อตฺตานํ นาคเสโน มิลินฺทํ ราชานํ ปสาเทสิ น กิญฺจิ